Azərbaycanın aparıcı korporativ bankı PAŞA Bank, plastik kart sahiblərinə təqdim olunan imkanları genişləndirməyə davam edir. Beləliklə, PAŞA Bank kart sahibi olan bütün müştərilər PAŞA Sığorta tərəfindən təqdim edilən “Unikal” fərdi tibbi sığorta məhsulunun üstünlüklərindən yararlana bilər.
Bu məhsul, hazırkı dövrdə tibbi sığorta sahiblərinin bir sıra istəklərini özündə cəmləşdirib. Belə ki, “Unikal” könüllü tibbi sığorta məhsulunu əldə edən müştərilər təcili tibbi yardım, təcili stomatoloji yardım, təcili tibbi daşınma və evakuasiya, stasionar müalicə və müalicə zamanı dərman vasitələri ilə təminatla yanaşı, digər əlavə tibbi xidmətlərdən də yararlana biləcək.
“Unikal” könüllü tibbi sığorta məhsulundan faydalanmaq istəyən müştəriyə “Emergency”, “Classic+”, “Silver” və “Gold” adları ilə fərqləndirilən könüllü tibbi sığorta proqramlarından birini seçmək təklif olunur. Hər sığorta proqramı üçün təyin edilmiş sığorta haqqı müvafiq olaraq, 300 AZN, 600 AZN, 800 AZN və 1000 AZN məbləğindədir. Tibbi sığorta zamanı sığortalılar üçün nəzərdə tutulan təminat məbləği isə müvafiq olaraq, 5000 AZN, 10000 AZN, 15000 AZN və 20000 AZN təşkil edir. “Gold” könüllü tibbi sığorta proqramını digər proqramlardan fərqləndirən əsas üstünlük isə müştərilər üçün illik profilaktik tibbi müayinə (check-up) təminatının da paketə daxil edilməsidir.
Əlavə şərt olmadan, müştərilərin bu məhsulu həm öz istifadəsi, həm də ailə üzvləri (ata, ana, bacı, qardaş, həyat yoldaşı, övlad) üçün əldə etmə imkanına sahib olması “Unikal” tibbi sığortanın əsas üstünlüklərindəndir.
Nəzərinizə çatdırırıq ki, 15 aprel-15 may tarixləri arasında “PAŞA Bank” “Visa” kartı ilə “Unikal” sığorta paketini 10% endirimlə əldə edə bilərsiniz. Yeni “Unikal” könüllü tibbi sığorta məhsulunu əldə etmək üçün bu keçidə daxil olun.